மீன் கறி

தேவையானவை.
மீன்(சுறா மீன் துனா மீன் தவிர்த்து) - 500 கிராம்
தேங்காய் துருவல் - 3/4 கப்
சின்ன வெங்காயம் -. 6 அல்லது 7
மிளகாய்தூள் - ஒரு தேக்கரண்டி(காரத்திற்கு ஏற்ப)
மஞ்சள்தூள் - கால் தேக்கரண்டி
புளி - சிறிய எலுமிச்சை அளவு
உப்பு - தேவையான அளவு
கறிவேப்பிலை - 2 அல்லது 3 இனுக்கு
நல்லெண்ணெய் - ஒரு மேசைக்கரண்டி

மீனை சுத்தம் செய்து எடுத்துக் கொள்ளவும். மற்ற தேவையான பொருட்களையும் தயாராக எடுத்து வைக்கவும்.
வாணலியில் நல்லெண்ணெய் ஊற்றி சூடாக்கி சின்ன வெங்காயம், கறிவேப்பிலை சேர்த்து வதக்கவும்.
வெங்காயம் முக்கால் பாகம் வதங்கியதும் தேங்காய் துருவல் சேர்த்து வதக்கவும்.
தேங்காய் துருவல் பிரவுன் நிறமானதும் கிளறி இறக்கி விடவும்.
ஆறியதும் மிக்ஸியில் போட்டு முதலில் தண்ணீர் சேர்க்காமல் பொடித்து கொண்டு பின்னர் தண்ணீர் சேர்த்து மையாக அரைத்துக் கொள்ளவும்.
அரைத்த கலவையில் கறிவேப்பிலை, புளிக்கரைசல், உப்பு,மஞ்சள் தூள்,மிளகாய் தூள் சேர்த்து கலந்து உப்பு புளி காரத்தின் அளவை சரிபார்த்துக் கொள்ளவும்.
மீன் துண்டுகளை சேர்த்து அடுப்பில் வைத்து கொதிக்க வைக்கவும்.
குழம்பு நன்றாக கொதி வந்ததும் 7 நிமிடங்கள் அதிக தீயில் கொதிக்க விட்டு பின் தீயைக் குறைத்து மேலும் 5 நிமிடங்கள் கொதித்ததும் இறக்கவும்.
சுவையான வறுத்தரைத்த மீன் கறி தயார்.